Resolution of Lagsingan Tribal Council in Rapu-Rapu condemning the MGB endorsement of the RRMI application for mining exploration in 2 barangays

LAGSINGAN TRIBAL COMMUNITY
National Commission for Indigenous Peoples Registered
Sitio Lagsingan, Barangay Poblacion, Rapu-Rapu, Albay


Hale sa minutos kan biglaan na ginibong hororon kan Lagsingan Tribal Council kan petsa 11 kan Enero alas 4:00 an hapon sa Sitio Lagsingan, Poblacion, Rapu-Rapu, Albay.

Resolusyon kan Lagsingan Tribal Council
Blg. 001, Serye 2010

RESOLUSYON SA PAGKONDENAR ASIN PAGKONTRA SA BAKO MAKATAWONG PAG-ENDORSAR KAN MINES AND GEOSCIENCES BUREAU SA PAAGI NI REGIONAL DIRECTOR REYNULFO A. JUAN SA OPISINA KAN RAPU-RAPU, ALBAY KAN NAKAAGING PETSA 5 KAN PEBRERO 2010 MANONGOD DAA SA NOTICE OF APPLICATION KAN KUMPANYANG RAPU-RAPU MINERALS INC. (RRMI) EXPA 000080-V PARA SA EXPLORATION PERMIT SA BARANGAY POBLACION BUDA BARANGAY MOROCBOROCAN TANGANING MINAHON AN KABUBULDAN NA SAKOP KAN MGA NASABING BARANGAY

Proponent: Lagsingan Tribal Community

NA, an mga nasabing barangay igwa ki nakaistar na nagtitios na mga tawo asin tribu na an ikinabubuhay hale sa dagat asin kabubuldan, buda an tubig na samong pig-iinom hale sa kabubuldan na samong pig-iistaran. An mga sapa o salog na pinagbubulusan kan tubig na samong piggagamit sa oroaldaw siguradong makukuntaminar asin mapuputol an bulos kaini kun deretsong minahon an samong kabubuldan;

NA, kun maidadagos an pagmina digdi sa Barangay Poblacion siguradong aagihan an comunidad (nin) samong tribu na magkakawsa nin mga minasunod:

1. takot sa oras na sinda nagkukundukta nin pagbobomba sa kabubuldan;
2. pagkaraot kan kabubuldan na sa pag-abot kan tag-uran siguradong rarasayan an samong kaharongan;
3. dae na kami ki makukua na kabuhayan sa kabubuldan ta sainda nang dinistrungkar;
4. makukuntaminar an dagat na saro kan samong pigkukuwaan nin pagkabuhay dahil sa mga chemical na saindang piggagamit na mabulos sa sapa o salog na mabulos deretso sa kadagatan;
5. kahelangan dahil sa pagkakuntaminar kan tubig asin kadagatan na magkakawsa nin kagadanan.

NGONIAN KUN SIRING, an Conseho kan Tribung Taboy kaiba an (mga) miembro dae nanggad minauyon asin higot na minakontra asin minakundenar sa application kan RRMI na minahon an Barangay Poblacion buda Barangay Morocborocan.

Samong isinasagibo ini tanganing makaabot sa mga nanunundan an samuyang higot na pagkontra asin pagkundenar sa gabos na klase nin pagmimina digdi sa samuyang lugar.

Ginibo ini ngonyan na petsa 23 kan Enero digdi sa Rapu-Rapu, Albay.

Senertipikaran ko an nasambit sa itaas na totoo asin tama.

(signed)
JOSEPH ECLEO
Vice-Chieftain

(signed)
RONY B. BERNALDEZ
Tribal Secretary

(signed)
ALFREDO B. ECLEO
Treasurer

(signed)
MIGUEL P. DERRAMAS
Kagawad

(signed)
ALFREDO DE LA CRUZ
Kagawad

(signed)
RODRIGO BALIDOY
Kagawad

(signed)
HILARIO E. MAGTANGOB
Kagawad

(signed)
ANTONIO B. ECLEO
Kagawad

(signed)
JOSE REBECON BALINSAYO
Kagawad

(signed)
ALICIA B. ECLEO
Kagawad

Pinatotoohan asin inaprubaran:

(signed)
RUBEN E. SORRO
Tribal Chieftain